og Kotstrandarkirkja
Archive for september, 2025
Bænastund og súpa
sep 30th
Bænastundir þetta haustið hefjast fimmtudaginn 2. október kl. 12:15. Við byrjum á stuttri bænastund í kirkjunni, svo höldum við inn í safnaðarheimili þar sem súpa og meðlæti er í boði gegn vægu verði. Séra Salvar Geir Guðgeirsson leiðir bænastundina og okkar ástkæri kirkjuvörður Ásta Björg töfrar fram dýrindis súpu. Allir velkomnir.
Sunnudagur 21. september
sep 20th
Sunnudaginn 21. september er hefðbundin guðsþjónusta í Hveragerðiskirkju kl. 11.
Um kvöldið er guðsþjónusta í Kotstrandarkirkju kl. 20. Hið hefðbundna messuform er brotið upp á 45 mínútum með fallegum sálmasöng og töluðu máli.
Kirkjukór Hveragerðis – og Kotstrandarsókna syngur og leiðir sönginn og organisti er Miklós Dalmay.
Séra Salvar Geir Guðgeirsson þjónar fyrir altari.
Séra Salvar mun sinna afleysingaþjónustu sóknarprests næsta árið og verður þetta hans fyrsta sunnudagsþjónusta.
Verið velkomin.
Guðsþjónusta að kveldi dags
sep 4th
Sunnudagskvöldið 7. september er guðsþjónusta í Hveragerðiskirkju kl. 20. Hið hefðbundna messuform er brotið upp á 45 mínútum með fallegum sálmasöng og töluðu máli sem er flétt saman og þannig gengið inn í hið heilaga rými sem sálinni er svo mikilvægt til umbreytingar.
Kirkjukór Hveragerðis – og Kotstrandarsókna syngur og leiðir sönginn og organisti er Miklós Dalmay. Sr. Axel Á Njarðvík, héraðsprestur þjónar fyrir altari. Verið velkomin.
Afleysingaþjónusta í Hveragerðisprestakalli
sep 2nd
Afleysingaþjónusta í Hveragerðisprestakalli:
Sr. Axel Árnason Njarðvík sinnir prestsþjónustu fram í miðjan september. Síminn hjá honum er 8561574.
Sr. Salvar Geir Guðgeirsson sem ráðinn hefur verið til að sinna afleysingaþjónustu í prestakallinu fram á sumar 2026 tekur til starfa um miðjan september.