Tilbeiðsla

Sunnudaginn 2. nóvember kl. 20 er Allra heilagra messa í Hveragerðiskirkju. Í boði verður að tendra ljós í minningu látinna ástvina og leggja hið orðna og hið óorðna í miskunnsaman og kærleiksríkan faðm Drottins.

Kirkjukórinn leiðir okkur í sálmasöng og syngur líka ljúf lög fyrir okkur.

Séra Salvar Geir Guðgeirsson þjónar fyrir altari og Miklós Dalmay leiðir tónlistina.

Næsta bænastund verður fimmtudaginn 23. október kl. 12:15.

Við byrjum á stuttri bænastund í kirkjunni, svo höldum við inn í safnaðarheimili þar sem súpa og meðlæti er í boði gegn vægu verði.

Séra Salvar Geir Guðgeirsson leiðir bænastundina og Ásta Björg kirkjuvörður sér um veitingar.

Verið velkomin.

Bænastund fimmtudaginn 16. október fellur niður vegna jarðarfarar. Sjáumst næst fimmtudaginn 23. október kl. 12:15.

Sunnudaginn 5. október er kvöldguðsþjónusta í Hveragerðiskirkju kl. 20. Hið hefðbundna messuform er brotið upp á 45 mínútum með fallegum sálmasöng og töluðu máli.

Kirkjukór Hveragerðis – og Kotstrandarsókna syngur og leiðir sönginn og organisti er Miklós Dalmay.
Séra Salvar Geir Guðgeirsson þjónar fyrir altari.

Sunnudaginn 21. september er hefðbundin guðsþjónusta í Hveragerðiskirkju kl. 11.

Um kvöldið er guðsþjónusta í Kotstrandarkirkju kl. 20. Hið hefðbundna messuform er brotið upp á 45 mínútum með fallegum sálmasöng og töluðu máli.

Kirkjukór Hveragerðis – og Kotstrandarsókna syngur og leiðir sönginn og organisti er Miklós Dalmay.
Séra Salvar Geir Guðgeirsson þjónar fyrir altari.

Séra Salvar mun sinna afleysingaþjónustu sóknarprests næsta árið og verður þetta hans fyrsta sunnudagsþjónusta.

Verið velkomin.