Hveragerðiskirkja
og Kotstrandarkirkja
Kvöldmessa 2.mars
feb 27th
Sunnudagskvöldið 2.mars er guðsþjónusta í Hveragerðiskirkju kl.20. Sr. Solveig Lára Guðmundsdóttir þjónar. Notaleg kvöldstund í helgarlok – sjáumst í kirkjunni!
Veikindaleyfi sóknarprests
feb 25th
Sr. Ninna Sif Svavarsdóttir er í veikindaleyfi. Á meðan annast prestsþjónustu í prestakallinu sr. Solveig Lára Guðmundsdóttir í síma 8561560 og sr. Sigríður Munda Jónsdóttir í síma 8941507.
Helgihald 16.febrúar 2025
feb 12th
Sunnudaginn 16.febrúar verða tvær guðsþjónustur í prestakallinu.
Kl. 11 verður prjónamessa í Hveragerðiskirkju. Fólk er hvatt til þess að mæta með handavinnuna sína. Að guðsþjónustu lokinni verður borin fram súpa í safnaðarheimilinu í samstarfi við Kvenfélag Hveragerðis sem kostar 1000 kr. Kirkjukórinn syngur og sr. Ninna Sif þjónar.
Kl. 14 er fjölskylduguðsþjónusta í Kotstrandarkirkju. Guðsþjónustan er sniðin að öllum aldurshópum. Raddir úr Barnakór Hveragerðis – og Kotstrandarkirkju koma fram. Kirkjukórinn leiðir safnaðarsöng og sr. Ninna Sif þjónar.
Sjáumst í kirkjunum okkar á sunnudag!
Kvöldmessa 2.febrúar
jan 29th
Sunnudagskvöldið 2.febrúar er kvöldmessa í Hveragerðiskirkju kl. 20.
Sr. Ninna Sif Svavarsdóttir þjónar, Kirkjukór Hveragerðis – og Kotstrandarsókna syngur, organisti er Miklós Dalmay.
Verið öll hjartanlega velkomin.
Helgihald 19.janúar 2025
jan 14th
Sunnudaginn 19.janúar verða tvær guðsþjónustur í prestakallinu.
Kl. 11 verður guðsþjónusta í Hveragerðiskirkju.
Kl. 14 verður guðsþjónusta í Kotstrandarkirkju.
Sr. Axel Árnason Njarðvík þjónar, kirkjukórinn syngur og organisti er Miklós Dalmay.
Sunnudagurinn 19. janúar 2025
jan 14th
Guðsþjónusta verður í Hveragerðiskirkju kl.11. Prestur Axel Á Njarðvík héraðsprestur þjónar fyrir altari. Organisti Miklós Dalmay. Kirkjukór leiðir söng. Verið velkomin.
Guðsþjónusta verður í Kotstrandarkirkju kl.14. Prestur Axel Á Njarðvík héraðsprestur þjónar fyrir altari. Organisti Miklós Dalmay. Kirkjukór leiðir söng. Verið velkomin.
Upphaf safnaðarstarfs á nýju ári
jan 6th
Gleðilegt nýtt ár og takk fyrir það gamla!
Fastir liðir í safnaðarstarfinu hefja aftur göngu sína í janúar.
Fyrstu KFUM fundir nýs árs verða mánudaginn 13.janúar.
Foreldramorgnar hefjast á ný þriðjudaginn 14.febrúar.
Æfingar barnakórs hefjast aftur miðvikudag 22.janúar.
Fyrstu hádegisbænir nýs árs verða fimmtudaginn 23.janúar.
Fyrstu guðsþjónustur nýja ársins verða sunnudaginn 19.janúar. Þá er messa í Hveragerðiskirkju kl. 11 og í Kotstrandarkirkju kl. 14.
Helgihald á jólum í Hveragerðisprestakalli
des 20th
Helgihald á jólum í Hveragerðisprestakalli er eftirfarandi.
Aðfangadagur: helgistund í Kotstrandarkirkju kl. 13. Pétur Nói Stefánsson og Guðný Alma Haraldsdóttir sjá um tónlistarflutning. Aftansöngur í Hveragerðiskirkju kl. 18. Hátíðarsöngvar sungnir.
Jóladagur: hátíðarguðsþjónusta í Kotstrandarkirkju kl. 14. Hátíðarsöngvar sungnir.
Sr. Ninna Sif Svavarsdóttir þjónar, organisti er Miklós Dalmay og Kirkjukór Hveragerðis – og Kotstrandarsókna syngur og leiðir safnaðarsöng.
SLYSH styrkir Sjóðinn góða
des 16th
Í dag kom hljómsveitin SLYSH í Hveragerðiskirkju og afhenti styrk til Sjóðsins góða að upphæð 430.000 kr. Hljómsveitin hélt jólatónleika 12.desember sem seldist upp á og komust færri að en vildu. Allar tekjur af miðasölu runnu til Sjóðsins góða. Auk þess safnaði hljómsveitin styrkjum meðal eftirtaldra fyrirtækja í Hveragerði: Ísfrost, Ölverk, Almar bakari og Garðyrkjustöðin Ficus.
Sjóðurinn góði þakkar fyrir þetta höfðinglega framlag sem kemur að góðum notum við úthlutun jólaaðstoðar.
Á myndinni eru fjórir meðlimir hljómsveitarinnar og sr. Ninna Sif Svavarsdóttir sem veitti styrknum viðtöku.
Jólastund barnanna í Hveragerðiskirkju
des 9th
Nk. sunnudag 15.desember kl.11 verður jólastund barnanna í Hveragerðiskirkju. Stundin hefst inni í kirkjunni þar sem sagt verður frá fæðingu Jesúbarnsins í fjárhúsinu í Betlehem og Barnakór Hveragerðiskirkju kemur fram.
Að því loknu verður dansað í kringum jólatré í safnaðarheimilinu og jólasveinar koma í heimsókn.
Verið öll hjartanlega velkomin!