Hveragerðiskirkja

Foreldramorgnar eru í Hveragerðiskirkju alla þriðjudaga kl. 10-12. Þar koma saman foreldrar með ung börn sín. Boðið er upp á kaffi og brauð og meðlæti. Foreldramorgnar eru frábært tækifæri fyrir foreldra til þess að hitta aðra foreldra í sömu sporum og fyrir litlu börnin til þess að sjá önnur börn og leika hlið við hlið.

Þriðjudaginn 26.febrúar kemur Silja Runólfsdóttir sálfræðingur í heimsókn. Þriðjudaginn 12.mars kemur Hafdís Guðnadóttir ljósmóðir hjá Sofa, borða, elska með fræðslu.

Á þriðjudögum kl. 17 eru bænastundir í kirkjunni sem standa í u.þ.b. hálftíma. Máttur bænarinnar er mikill og hún veitir frið, styrk og huggun. Verum öll hjartanlega velkomin.

Jólastund barnanna verður haldinn í Hveragerðiskirkju sunnudaginn 17.desember kl.11. Stundin hefst inni í kirkjunni þar sem við heyrum jólasöguna og barnakór kirkjunnar kemur fram undir stjórn Unnar Birnu Björnsdóttur. Að því loknu færum við okkur yfir í safnaðarheimilið þar sem við dönsum í kringum jólatréð og jólasveinar koma í heimsókn!

Verum öll velkomin.

Sunnudaginn 19.nóvember verða tvær guðsþjónustur í prestakallinu, í Kotstrandarkirkju kl. 14 en þangað er fólk hvatt til þess að mæta með handavinnu, og Hveragerðiskirkju kl. 20. Sr. Ninna Sif Svavarsdóttir þjónar fyrir altari, Kirkjukór Hveragerðis – og Kotstrandarsókna syngur og organisti er Miklós Dalmay.

Nk. sunnudag 5.nóvember er guðsþjónusta kl. 11 á allra heilagra messu. Sr. Ninna Sif Svavarsdóttir þjónar, Miklós Dalmay er organisti og Kirkjukór Hveragerðis – og Kotstrandarkirkju syngur.