og Kotstrandarkirkja
Archive for september, 2024
Fjölskylduguðsþjónusta 15.september
sep 11th
Nk. sunnudag 15.september verður fjölskylduguðsþjónusta í Hveragerðiskirkju kl. 11. Biblíusaga, mikill söngur og VÆB bræður stíga á stokk. Kirkjukórinn leiðir safnaðarsöng. Sr. Ninna Sif þjónar. Öll velkomin!
Barnakór Hveragerðiskirkju hefur æfingar að nýju
sep 5th
Nk. miðvikudag 11.september er fyrsta æfing barnakórs Hveragerðiskirkju á þessu hausti. Æfingarnar verða á miðvikudögum kl. 15.45-16.15. Þá kemur kórinn einnig reglulega fram í helgihaldi kirkjunnar. Það kostar ekkert að vera með en það er nauðsynlegt að skrá börnin til þátttöku á skramur.is undir Hveragerðiskirkja.
Stjórnandi kórsins er Unnur Birna Björnsdóttir.
Heiðursviðurkenning til kirkjukórsmeðlima
sep 3rd
Sl. föstudag 30.ágúst var heiðursviðurkenning Þjóðkirkjunnar, Liljan veitt til fulltrúa í kirkjukórum landsins sem sungið hafa í kirkjukórum í 30 ár eða lengur. Kirkjukór Hveragerðis – og Kotstrandarsókna átti átta fulltrúa í þeim hópi.
Þau stilltu sér upp fyrir myndatöku fyrir kvöldmessu í Hveragerðiskirkju sl. sunnudagskvöld: Sigríður Svava Gunnarsdóttir, Sigurbjörg Þorsteinsdóttir, Aðalheiður Ásgeirsdóttir, Sigurbjörg Hlöðversdóttir, Anna Jórunn Stefánsdóttir, Perla Smáradóttir, Sigrún Elfa Reynisdóttir og Steindór Gestsson. Af þessum glæsilega hópi hefur Svava sungið lengst með kirkjukór, eða í 58 ár!
