Það er fátt ljúfara en að byrja aðventuna á tónlist og orði í kirkjunni okkar. Hið árlga aðventukvöld verður haldið í Hveragerðiskirkju sunnudaginn 30. nóvember kl. 20, en þá er einmitt 1. sunnudagur í aðventu. Söngur er í höndum Maríu Sólar Ingólfsdóttur, Kirkjukórs Hveragerðis- og Kotstrandasókna, og einnig munu Hverafuglar, kór félags eldri borgara í Hveragerði syngja fyrir okkur. Skátarnir koma með friðarljósið frá Betlehem og séra Salvar Geir Guðgeirsson flytur hugvekju. Verið velkomin.