Hveragerðiskirkja

 Það er bjart yfir nýja árinu Í Ölfusi eins og yfir þessari sumarmynd Hjörvars K.

Fyrstu Guðsþjónustur nýja ársins verða sunnudaginn 15. janúar kl. 11:00 í Hveragerðiskrikju og kl. 14:00 í Kotstrandarkirkju. Kirkjukórinn og Miklós Dalmay leiða sönginn. Jón Ragnarsson sóknarprestur prédikar og þjónar fyrir altari.

Sex mánaðar ráðningartíma sr. Jóns Ragnarssonar  í starfi héraðsprest í Valdres-prófastsdæmi í Hamar-Biskupsdæmi í Noregi lýkur hinn 31. júlí nk. og þar með launalausu leyfi hans frá Hveragerðisprestakalli frá 1. janúar sl. Sr. Jón kemur aftur til starfa í Hveragerðisprestaklli frá og með 1. ágúst nk.

Kjörnefnd Hveragerðisprestakalls var kosin á aukaaðalsafnaðarfundi Hveragerðissóknar þann 5. júní og á aðalsafnaðarfundi Kotstrandarsóknar þann 5. júní 2016. Hveragerðissókn er með 9 menn og Kotstrandarsókn 2 og er til fjögra ára eða til aðalsafnaðarfunda 2020. Nýjar starfsreglur um val og veitingu prestsembætta nr. 144/2016 voru setta á Kirkjuþingi  í apríl 2016.

Aðalmenn:

Aðalheiður Ásgeirsdóttir Þelamörk 3
Ásta Þórey Ragnarsdóttir Heiðmörk 26v
Egill Gústafsson Lyngheiði 2
Eyjólfur Kristinn Kolbeins Réttarheiði 24
Guðmundur Bjarnason Baldursson Kirkjuferju
Guðrún Hafsteinsdóttir Iðjumörk 3
Hafsteinn Þór Auðunsson Laufskógum 31
Helgi Þorsteinsson Borgarhrauni 16
Jón Hólm Stefánsson Gljúfri Ólöf Jónsdóttir Dalsbrún 33
Stefanía Inga Sigurjónsdóttir Valsheiði 11

Varamenn:

Ásta Björg Ásgeirsdóttir Fljótsmörk 6
Garðar Hannesson Heiðarbrún 31
Helga Jóhannesdóttir Vogi
Kristjana Sigurv. Sveinsdóttir Hraunbæ 7
Magnea Ásdís Árnadóttir Borgarheiði 17h
Pálína Agnes Kristinsdóttir Lyngheiði 25
Ragnheiður Lúðvíksdóttir Lind
Gísli Jónasson Gíslason Dynskógum 4
Sigurjón Guðbjörnsson Kambahrauni 38
Snorri Þorvaldsson Birkimörk 3
Steindór Gestsson Dalsbrún 33

Aðalsafnaðarfundur Kotstrandarsóknar verður haldinn 5. júní kl. 14 í Kotstrandarkirkju.

Þar skal taka fyrir eftirfarandi:

1. Gerð sé grein fyrir starfsemi og rekstri sóknarinnar á liðnu starfsári.
2. Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta árs.
3. Greint frá starfsemi héraðsnefndar og héraðsfundi.
4. Ákvörðun um meiriháttar framkvæmdir og framtíðarskuldbindingar.
5. Kosning tveggja skoðunarmanna eða endurskoðanda sóknar og kirkjugarðs og varamanna þeirra til árs í senn.
6. Kosning sóknarnefndar. Í ár skal kjós um einn aðalmann og einn til vara.
7. Kosning kjörnefndar.
8. [Kosning í aðrar nefndir og ráð.]
9. [Önnur mál.]

Nýjar starfsreglur um val og veitingu prestsembætta nr. 144/2016 voru setta á Kirkjuþingi  í apríl og vegna 7. gr þarf nú að boða til aukaaðalsafnaðarfundar til að  kjósa  kjörnefnd prestkallsins til fjögurra ára í senn. Nefndin er skipuð 11 fulltrúum að lágmarki og jafn mörgum til vara.

Um hæfi kjörnefndarmanna fer eftir ákvæðum II. kafla stjórnsýslulaga nr. 37/1993. Í stað þeirra sem segja sig frá kjöri eða sem kjörnefndin úrskurðar vanhæfa, skal skipa varamenn viðkomandi kjörnefndar.

Prófastar fylgja því eftir að kjörnefndir séu kosnar samkvæmt reglum þessum og að ávallt sé til staðar sá fjöldi aðalmanna og varamanna sem áskilið er.

Í 8. gr. segir um störf kjörnefndar prestakalls segir að hún kýs sóknarprest eða prest… Sá umsækjandi telst hafa hlotið kosningu í prestsembætti sem hlýtur meirihluta greiddra atkvæða í leynilegri kosningu á kjörnefndarfundi.
-sóknarnefnd

Fyrsti hluti pílagrímagöngu: Frá Strandarkirkju í Þorlákshöfn

Næstkomandi sunnudag verður fyrsta dagleið í nýrri fimm daga pílagrímagöngu frá Strandarkirkju í Skálholti, gengin. Það er Ferðafélag Íslands sem skipuleggur gönguna ásamt undirbúningsnefnd.
Undirbúningur þessa verkefnis hefur staðið yfir í þó nokkurn tíma, en vinnuhópur um verkefnið var skipaður í kjölfar kynningafundar í Skálholti þar sem Edda Laufey Pálsdóttir, eldri borgari í Þorlákshöfn, kynnti hugmyndina.  Í vinnuhópnum eiga sæti þau Barbara Guðnadóttir fyrir Ölfus, Bragi Bjarnason fyrir Árborg, Rósa Matthíasdóttir fyrir Flóahrepp, Ásborg Arnþórsdóttir fyrir Uppsveitir Árnessýslu og Axel Árnason Njarðvík, héraðsprestur Suðurprófastsdæmis.
Að mörgu er að hyggja þegar ný gönguleið er hönnuð. Ræða þarf við landeigendur, ákveða gönguleið á hverjum stað, huga að merkingum og prufuganga leiðirnar. Verkefnið hlaut styrk úr Uppbyggingarsjóði Suðurlands, en styrkurinn mun nýtast í fyrsta hluta verkefnisins sem miðar að því að velja leiðir, kortaleggja leiðina og skipuleggja prufugöngur. Göngurnar í sumar sem skipulaggðar eru með Ferðafélagi Íslands, eru einmitt fyrstu prufugöngurnar.

Alls verður gengið fimm sunnudaga í sumar á eftirfarandi dögum:
22. maí, Strandarkirkja – Þorlákskirkja. Lagt af stað með rútu kl. 9:30 frá íþróttahúsinu í Þorlákshöfn. Gengið frá Strandarkirkju um 18 km leið með sjónum sem leið liggur austur í Þorlákshöfn.
21. júní, Þorlákshöfn – Stokkseyri. Brottför með rútu frá Hólmarastarhúsinu á Stokkseyri kl. 9:30. Gengið eftir sandfjörunni frá Þorlákshöfn að Hafinu Bláa og áfram með sjónum, framhjá Eyrarbakka og eftir nýrri gönguleið til Stokkseyrar. Þessi ganga er um 19 km löng.
25. júní. Stokkseyri – Villingaholt. Brottför með rútu frá Villingaholtskirkju kl. 9:30. Gengið frá Hólmarastarhúsinu á Stokkseyri um fallegt svæði að Gaulverjabæjarkirkju og áfram að Villingaholti um 21 km.
10. júlí. Villingaholt í Flóa – Ólafsvallakirkja á Skeiðum. Brottför með rútu frá Ólafsvallakirkju kl. 9:30. Gengið um Flóann og upp Skeiðin um 20 km leið um sunnlenska sveit.
24.júlí. Ólafsvallakirkja á Skeiðum – Skálholtsdómkirkja. Brottför með rútu frá Skálholti kl. 7:00. Gengið um 17 km leið frá Ólafsvallakirkju á Skeiðum sem leið liggur um fallega sveit norður í Skálholti. Göngunni lýkur á Skálholtshátíð þar sem pílagrímar koma einnig úr Borgarfirði þennan dag.

Hver ferð kostar kr. 9.000 (6.000 kr fyrir félaga í FÍ) og er það Ferðafélag Íslands sem heldur utanum skráningu í ferðirnar. Sími Ferðafélagsins er 568 2533 og vefsíða www.fi.is.