Hveragerðiskirkja

Sunnudagskvöldið 3.desember verður aðventukvöld í Hveragerðiskirkju kl. 20, venju samkvæmt á fyrsta sunnudegi í aðventu. Guðrún Hafsteinsdóttir dómsmálaráðherra flytur hugvekju. Þrír kórar sem starfa í Hveragerði koma fram: Kirkjukór Hveragerðis – og Kotstrandarsókna, Söngsveit Hveragerðis og Hverafuglar, kór Félags eldri borgara í Hveragerði.

Verum öll hjartanlega velkomin!

Á fimmtudagskvöldum í nóvember verður boðið upp á samtöl um sorg og áföll í Hveragerðis – og Þorlákskirkjum í umsjón prestanna.

Sunnudaginn 22.október eru tvær guðsþjónustur í prestakallinu.

Kl. 14 er hefðbundin guðsþjónusta í Kotstrandarkirkju. Kirkjukór Hveragerðis – og Kotstrandarsókna syngur, organisti Miklós Dalmay. Sr. Ninna Sif Svavarsdóttir þjónar.

Kl.20 er guðsþjónusta í Hveragerðiskirkju tileinkuð bleikum október, árveknisátaki Krabbameinsfélags Íslands um krabbamein hjá konum. Viktoría Sif Kristinsdóttir deilir með okkur reynslu sinni. Félagar úr Krabbameinsfélagi Árnessýslu kynna starfsemi félagsins. Hugrún Birna Hjaltadóttir leikur á fiðlu og kirkjukórinn syngur hugljúfa og fallega tónlist.

Sjáumst í kirkjunni á sunnudag!

Sunnudagskvöldið 17.september er guðsþjónusta í Hveragerðiskirkju kl. 20. Í kvöldguðsþjónustu er hið hefðbundna messuform brotið upp þannig að fallegur sálmasöngur og talað mál fléttast saman.

Kirkjukór Hveragerðis – og Kotstrandarsókna syngur og organisti er Miklós Dalmay. Sr. Ninna Sif Svavarsdóttir þjónar fyrir altari.

Sunnudaginn 13.ágúst verður árleg útiguðsþjónusta í Arnarbæli, þeim gamla kirkjustað við ósa Ölfusár.

Sl. sumar fæddist sú hugmynd að ganga saman til guðsþjónustunnar frá Hveragerði. Þess vegna verður lagt af stað frá Hveragerðiskirkju kl. 11.30 á sunnudag og eru öll velkomin að taka þátt í göngunni.

Að guðsþjónustu lokinni verður boðið upp á kirkjukaffi.

Ef veðrið bregst verður guðsþjónustan í Kotstrandarkirkju.